राई विद्यार्थीद्धारा ‘१ नं. प्रदेश, किरात प्रदेश’ लेखिएको टि–सर्ट सार्वजनिक

काठमाडौं ५ जेठ । किरात राईहरुको संस्था किरात राई यायोख्खाले प्रदेश नं. १ लाई ‘किरात प्रदेश’ प्रदेश नामाकंरण गर्न विभिन्न दबाव अभियानहरु सञ्चालन गर्दे आएको छ । यसैक्रममा शनिबार किरात राई विद्यार्थी संघ यलखोम राज्य समन्वय समितीले ‘१ प्रदेश, किरात प्रदेश’ लेखिएको टि–सर्ट सार्वजनिक गरेको छ ।

कार्यक्रममा टि–सर्ट निर्माण सहयोगकर्ता डेकिन्द्र कुमार राईले विद्यार्थीहरुको अभियानमा साथ र समर्थन दिन सहयोग गरेको बताए । संघका निवर्तमान महासचिव समेत रहेका उनले आफु संगठन रहँदा आर्थिक अभावकै कारणले राम्रो कामहरु चाहेर पनि गर्न नसकिएको बताउँदै सह सम्मान सह अस्तित्व मुक्ती र अधिकार प्राप्तीको लागि सँधै सकेको सहयोग हुने बताए ।