आरक्षण सिट अरुले नै ओगटे ? यो नम्बरमा फोन गर्नुस्
काठमाडौं, ४ असार । यातायात व्यवस्था विभागले अपाङ्ग, महिला र ज्येष्ठ नागरिकको सिटमा अन्य यात्रु बसे खबर गर्न सूचना प्रकाशन गरेको छ ।
विभागले यसरी अटेर गरी सम्बन्धित समुदायको हकलाई संकुचन गर्ने कार्य कोहीबाट भए विभागको मोवाइल नम्बर ९८५१२७३२२२ मा फोन गर्न वा एसएमएस गर्न भनेको छ । सार्वजनिक यातायातमा छुट्याइएका आरक्षित सिट तोके बमोजिम उपलब्ध नभए कानुन बमोजिम कार्बाही गर्ने विभागले जनाएको हो ।
विभागले आरक्षित सिटको विषयमा पटक पटक गुनासो आएपछि विभागको मातहतमा रहेको यातायात व्यवस्था कार्यलय र ट्राफिक प्रहरीले अनुगमन गर्दा सम्बन्धित सिटमा अन्य यात्रु फेला परे कारबाही गर्ने जनाएको छ ।
सार्वजनिक यातायातमा छुट्याइएको आरक्षण सिटको सदुप्रयोगको लागि यस्तो निर्णय गरिएको विभागले जारी गरेको सूचनामा उल्लेख छ ।