नेपाल साफ यू १८ महिला च्याम्पियनसिपको उपविजेता
काठमाडौं,असोज २२। नेपाल यू १८ महिला साफ च्याम्पियन्सिप फुटबलमा उपविजेता भएको छ । फाइनलमा बंगलादेशसँग १-० गोल अन्तरले पराजित भएपछि नेपाल उपविजेतामा सीमित भएको हो ।
पहिलो हाफ गोलरहित बराबरी भएको खेलमा बंगलादेशले दोस्रो हाफको सुरुवातमै गोल गरेको थियो । ४९ औं मिनेटमा बंगलादेशका लागि मोउसिरा प्रविनले गोल गर्दै टिमलाई अग्रता दिलाएकी थिइन् । त्यसपछि निर्धारित समय भित्र नेपालले गोल फर्काउन नसकेपछि बंगलादेशको एक मात्र गोल नै निर्णायक भयो ।
समूह चरणको खेलमा पनि बंंगलादेशसँग नेपाल पराजित हुँदै उपविजेताका रुपमा सेमिफाइनलमा पुगेको थियो । सेमिफाइनलमा पेनाल्टी सुट आउटमा भारतलाई हराउँदै फाइनल पुगेको नेपाल उपविजेतामा सीमित हुन बाध्य भयो ।
रेखा पौडेल सर्वाधिक गोलकर्ता
च्याम्पियनसिपमा नेपाल उपविजेता बनेपनि रेखा पौडेल सर्वाधिक गोलकर्ता बनेकी थिइन्। रेखाले प्रतियोगितामा कुल ८ गोल गरेकी थिइन्।
के भन्छिन् रेखा
यस्तै आजै भएको तेस्रो स्थानको खेलमा भुटानमाथि भारतले १-० को जित निकालेको थियो ।
