ह्वातै घट्यो सुनको भाउ
काठमाडौं, २५ कात्तिक । दशैं–तिहारलगायतका चाडबाडमा सुनको भाउ आकाशिएर सुनका गहना लगाउने धोको पूरा गर्न नसकेकाहरुलाई सुन जोड्ने राम्रो अवसर आएको छ ।
ठूला चाडपर्व मैजारोतिर जाँदै गर्दा बजारमा सुनको भाउ ह्वातै घटेको छ । आज छापावाल सुनको मूल्य प्रतितोला ५९ हजार रुपैयाँ कायम भएको छ । तिहारअघि कायम भएको मूल्यको तुलनामा आज सुनको भाउ तोलामा १ हजार रुपैयाँले घटेको हो ।
तिहारअघि सुनको मूल्य तोलाको ६० हजार रुपैयाँ थियो । तेजाबी सुन भने प्रतितोला ५८ हजार ७०० रुपैयाँ कायम भएको छ । सुन चाँदी ब्यवसायी महासंघका अनुसार चाँदी प्रतितोला ७ सय ३० रुपैयाँमा कारोबार भइरहेको छ ।
