लन्च ब्रेक अघि नेपालको खराब सुरुवात
१८ रन जोड्न तीन विकेट गुम्यो
काठमाडौं, २१ कार्तिक । नेपालले मेरिलेबोन क्रिकेट क्लब (एमसीसी)सँग प्रथम श्रेणीको खेलमा दोस्रो दिनको पहिलो इनिङमा खराब सुरुवात गरेको छ । लन्च ब्रेक अघि नेपालले खराब सुरुवात गरेको हो ।
नेपालका कप्तान ज्ञानेन्द्र मल्ललाई पहिलो ओभरको चौथो बलमा यासिर अराफातले शून्यमा क्याच आउट भए ।
यासिरले पाँचौ ओभरको दोस्रो बलमा शरद भेषवकरलाई ४ रनमा क्याच आउट गराए । यासिरले नवौं ओभरको तेस्रो बलमा अर्का ओपनर राजु रिजाल ८ रनमा क्याच आउट भए ।
सुरुवाती ८.३ ओभरमा १८ रन जोड्न तीन विकेट गुमाएको छ । नेपाल फलोअनबाट बच्न अझैं १ सय ९७ रन बनाउने पर्ने हुन्छ । सम्रगमा नेपाल ३ सय ४६ रनले पछि रहेको छ । क्रिजमा आरिफ शेख ५ रनमा खेलिरहेका छन् ।
यसअघि एमसीसी १ सय २ ओभरमा अल आउट हुँदै ३ सय ६४ रन जोडेको छ ।