कांग्रेस उम्मेदवार कार्कीसहित ४ को अवस्था गम्भीर,त्रिविमा उपचार हुँदै


प्रकाशित मिति : November 29, 2017

काठमाडौं: उदयपुरमा विद्युतीय धरापमा परी उम्मेदवारसहित ४ जना गम्भीर र दुई सामान्य घाइतेलाई उपचारका लागि काठमाडौं ल्याइएको छ। उनीहरुको हेलिकप्टरबाट ल्याएर त्रिवि शिक्षण अस्पतालमा उपचार भइरहेको जनाइएको छ ।

उनीहरुको अहिले महाराजगञ्‍ज शिक्षण अस्पतालको आकस्मिक सेवामा उपचार भइरहेको छ। उदयपुर २ नम्बर निर्वाचन क्षेत्रका उम्मेदवार नारायणबहादुर कार्की, कांग्रेस कार्यकर्ता, धनमाया सार्की र गाडी ड्राइभर राजन कार्की प्रहरी जवान कालिदास श्रेष्ठ गम्भीर घाइते भएका छन्।त्यस्तै धरापमा पत्रकार नवराज पौडेल र कांग्रेस कार्यकर्ता मीरा कटुवाललाई पनि उपचार भइरहेको छ। उम्मेदवार कार्की र ड्र‍ाइभर राजन कार्कीको अवस्था गम्भीर रहेको छ।

उदयपुरगढी गाउँपालिका–६ स्थित दनुवारबेंसीमा आज बिहान ८ बजे बम विस्फोट भएको थियो । प्रहरी नायब उपरीक्षक मेघराज अधिकारीका अनुसार बा१५च ७८०६ नंको बलेरो जीपमा सवार कार्कीसहित सात जना नेपालटारबाट कटारीतर्फ जाँदै गर्दा अज्ञात समूहले राखेको एम्बुसमा परेका थिए ।

 

प्रतिक्रिया दिनुहोस्