अमिषा पटेल किन नेपाल आइन् ?
काठमाडौं, ३१ असार । अहिले नेपालमा बलिउड अनुहारहरु भित्र्याउने क्रम बढेको छ । विशेष गरी, सांगीतिक कार्यक्रमका लागि बलिउडका अनुहारहरु नेपाल आउनका लागि उत्साहित देखिएका छन् ।
यसैबीच बलिउड नायिका अमिषा पटेल केही दिन अगाडि नेपाल आएकी थिइन् । आफू नेपाल आउँदै गरेको जानकारी ट्वीटमार्फत दिएकी थिइन् । भैरहवामा रहेको टाइगर प्यालेस रिसोर्टमा आयोजना भएको सांस्कृतिक कार्यक्रममा भाग लिनका लागि उनी नेपाल आएकी थिइन् । कार्यक्रममा अमिषाले आफ्ना हिट गीतमा नृत्य प्रस्तुत गरेकी थिइन् । साथमा रिसोर्टको आयोजनामा सम्पन्न कार्यक्रममा अन्य कलाकारले समेत प्रस्तुति दिएका थिए ।
