नेपालले ओमनमा टी–ट्वान्टी सिरिज खेल्ने
काठमाडौं, २४ साउन । नेपाली राष्ट्रिय क्रिकेट टोलीले ओमानमा आयोजना हुने टी–ट्वान्टी क्रिकेट प्रतियोगिता खेल्ने भएको छ । अक्टोबर ५ तारिखदेखि ओमान हुने टी–२० क्रिकेट प्रतियोगिता खेल्न आइसीसीले अनुमती दिएपछि खेल्ने पक्का भएको हो ।
प्रतियोगितामा आयोजक ओमानसँगै ओमानसहित नेदरल्यान्ड, आयरल्यान्ड र हङकङले प्रतिस्पर्धा गर्ने भएका छन् ।
नेपालले पहिलो खेल हङकङसँग खेल्नेछ । ओमान क्रिकेट संघले शुक्रबार सार्वजनिक गरेको खेल तालिका अनुसार नेपालले दोस्रो खेल नेदरल्याण्ड्ससँग खेल्नु खेल्नेछ ।
यस्तै प्रतियोगिताको तेस्रो खेलमा नेपालले आयरल्याण्डसँग प्रतिस्पर्धा गर्नेछ । प्रतियोगिताको अन्तिम खेलमा नेपालको प्रतिद्धन्द्धी घरेलु टिम ओमान रहेको छ ।