बिराट कोहलीको अनौठो नयाँ रेकर्ड
एक दशकमा २० हजार रन बनाउने पहिलो खेलाडि
काठमाडौं, ३१ साउन (एजेन्सी) । भारतीय कप्तान विराट कोहलीले एउटा अनौठो रेकर्ड बनाएका छन् । बुधबार सम्पन्न भएको भारतको वेस्ट इण्डिज बीचको अन्तिम वान डेमा शतक प्रहार गरेका कप्तान कोहलीले एक दशकमा २० हजार रन बनाउने पहिलो खेलाडिको रेकर्ड बनाएका हुन् । उनलाई आइसिसीले ट्वीटमा बधाई समेत दिएको छ ।
2️⃣0️⃣0️⃣0️⃣0️⃣ runs for Virat Kohli in the 2010s, and he isn't done yet ?
No batsman has ever scored as many in a single decade ?
What a phenomenal cricketer ?#WIvIND pic.twitter.com/glRYNR7whk— ICC (@ICC) August 14, 2019
अन्तिम तथा तेस्रो खेलमा कोहलीले ९० बलको सामना गर्दै अविजित ११४ रन बनाए । सिरिजमा भारतीय कप्तान विराट कोहलीले दुई खेलमा लगातार दुई शतक प्रहार गरे ।
उनलाई म्यान अफ द म्याज तथा म्यान अफ द सिरिज समेत घोषित भए । भारतले वेस्ट इण्डिजलाई हराउँदै वान डे सिरिजमा २–० ले कब्जा जमायो । शृंखलाको पहिलो खेल वर्षाले रद्द बनाएको थियो ।
कोहलीले वेस्टइण्डिजमा उनले आफ्नो ४३ औं शतक पूरा गरे । उनी सर्वाधिक शतक बनाउनेमा भारतकै सचिन तेन्दुलकरभन्दा ६ शतकले पछाडि छन् ।
टेस्ट, वान डे तथा टि–२० गरेर उनले सन २०१० देखि २०१९ सम्ममा २० हजार रन पूरा गर्दै रेकर्ड बनाएका हुन् । उनले यस दशकमा ३७१ खेलबाट ५७.०३ को औषतले २० हजार १८ रन बनाएका छन् । यसमा ६७ शतक सामेल छ ।
विराट अगाडी एक दशकमा सर्वाधिक रन बनाएको कीर्तिमान अस्ट्रेलियाका रिक्की पोन्टिङको नाममा थियो । उनले २००० को दशकमा १८ हजार ९६२ रन बनाएका थिए ।
अब उनी सूचिको दोश्रो स्थानमा झरेका छन् । यस सूचिमा ज्याक कलिस १६,७७७ रन सहित तेश्रो स्थानमा रहेका छन भने महेला जयवर्दने १६,३०४ रन सहित चौथो नम्बरमा रहेका छन् ।
यस्तै १५ हजार ९९९ रनसहित कुमार संगकारा पाँचौं स्थानमा छन् । भने सचिन तेन्दुलकर १५ हजार ९ सय ६२ रनसहित छैठौं स्थानमा छन् ।
