सुनको भाउ अहिलेसम्मकै उच्च, प्रतितोला साढे ७२ हजारमा कारोबार
काठमाडौं, ८ भदौं । सुनको भाउ अहिलेसम्मकै उच्च भएको छ । सुनको भाउले नयाँ रेकर्ड बनाएको छ ।
आज (आइतबार) एकै दिन सुन तोलामा १२ सय रुपैयाँले बढेर तोलाको ७२ हजार ५ सय पुगेको नेपाल सुनचाँदी व्यवसायी महासंघले जनाएको छ । यो हालसम्मकै उच्च मूल्य हो ।
शुक्रबार तोलाको ७१ हजार ३ सय रुपैयाँमा कारोबार भएको थियो । यस्तै चाँदीको भाउ पनि तोलामा २० रुपैयाँले बढेर ८ सय ५० पुगेको महासंघले जनाएको छ ।