१८ लाखसहित तीन हुण्डी कारोबारी पक्राउ
वीरगञ्ज, २२ कार्तिक । प्रहरीले १८ लाख नेपाली रुपैयाँसहित तीन जना हुण्डी कारोबारीलाई पक्राउ गरेको छ ।
वीरगञ्ज प्रहरीले भारतबाट नेपालतर्फ आउँदै गरेका तीन जनालाई पक्राउ गरी स्रोत नखुलेको १८ लाख नेपाली रुपैयाँसहित उनीहरुलाई पक्राउ गरेको हो । उनीहरुले अवैध रुपमा हुण्डी कारोबार गर्ने गरेको प्रहरीले जनाएको छ ।
शुक्रबार विहान साढे १० बजे प्रहरीले वीरगञ्ज महानगरपालिका–१६ रजत जयन्ती चोकबाट तीन वटा भारतीय मोटरसाइकलमा नेपाल आउँदै गरेका भारतीय नागरिक सुधीरकुमार, सहिद आलम र बिक्कीकुमार पक्राउ परेका प्रहरीले जानकारी दिएको छ ।