टुँडिखेलमा च्यु ल्होसारको खुसियाली (फोटो फिचर)
काठमाडौं,१५ पुस । गुरुङ समुदायको नयाँ वर्ष ल्होसार मंगलबार देशभर गुरुङ समुदायले भव्य रुपमा मनाएका छन् । उनीहरुले आजको दिनलाई पुरानो वर्षलाई बिदाइ गरी नयाँ वर्षलाई स्वागत गर्ने दिनको रुपमा मनाउँछन् ।
गुरुङ परम्पराअनुसार ‘ल्हो’को अर्थ वर्ष र ‘छार/सार’को अर्थ फेरिनु भन्ने हुन्छ । त्यसै अनुसार ल्होछाररल्होसार भनिएको हो । मुसा वर्ग सुरु भएकाले गुरुङ समुदायले मुसा अर्थात च्युल्हो समेत भन्ने गरिन्छ । च्युको अर्थ मुसा हुन्छ ।
यसवर्ष मृग वर्षलाई बिदाइ गरी मुसा वर्षलाई स्वागत गरिएको छ । गुरुङ समुदायले वर्ष गणनाका लागि १२ वटा जनावरको नाम राखेका छन् । जसमा मुसा, गाई, बाघ, बिरालो, सुगा, सर्प, घोडा, भेडा, बाँदर, चरा, कुकुर र मृग छन् ।
तमु ल्होसारका अवसरमा सरकारले सम्बन्धित जातिलाई मात्र विदा दिने गरेको छ । तर गण्डकी प्रदेश सरकार र केही स्थानीय तहले आफ्नो क्षेत्रमा सार्वजनिक विदा दिएका छन् ।
काठमाडौंमा रहेका गुरुङ समुदायले टुँडिखेलमा भेला भई ल्होसार मनाएका छन् । गुरुङ समुदायले आफ्नो भेषभूषामा टुँडिखेल वरपर र्याली समेत निकालेका थिए ।
त्यस क्रममा उनीहरुले परम्परागत बाजागाजा बजाउनुका साथै घरायसी सामग्री पनि प्रदर्शन गरेका थिए ।
तस्वीरहरु