प्राइम कमर्सियल बैंकको नाफा १ अर्ब ३० करोड
काठमाडौं,१९ माघ । प्राइम कमर्सियल बैंकले चालु आर्थिक वर्षको दोस्रो त्रैमासमा १ अर्ब ३० करोड ७ लाख ८७ हजार ३८४ रुपैयाँ नाफा आर्जन गरेको छ ।
बैंकको नाफा गत आवको सोही अवधिको तुलनामा २२.६१ प्रतिशतले बढी हो । गत आवको सोही अवधिमा बैंकको नाफा १ अर्ब ६ करोड ८ लाख ९६ हजार ७९० रुपैयाँ रहेको थियो । यो अवधिमा बैंकको वितरणयोग्य नाफा ८६ करोड ५९ लाख ५८ हजार ७०४ रुपैयाँ रहेको छ ।
बैंकको नाफा बढ्नुमा खुद ब्याज आम्दानी र सञ्चालन मुनाफाको सहयोग देखिएको छ । बैंकले गत आवको सोही अवधिमा १ अर्ब ७७ करोड २२ लाख ३ हजार २३३ रुपैयाँ खुद ब्याज आम्दानी रहेको थियो । चालु आवको सोही अवधिमा आईपुग्दा २ अर्ब १६ करोड ४६ लाख १० हजार ३६ रुपैयाँ रहेको छ ।
