स्पेनमा पनि कोरनाबाट मर्नेको सङ्ख्या चीनमा भन्दा बढी
काठमाडौँ, १३ चैत (एजेन्सी) । चीन हुँदै युरोपका देशमा फैलिएको कोरोनाभाइरस सङ्क्रमणबाट स्पेनमा मर्नेहरूको सङ्ख्या चीनको भन्दा धेरै पुगेको छ । स्पेनमा कुल ३४ सय मानिसले कोभिड–१९ का कारण ज्यान गुमाएका छन् । यो आकंडा चीनको भन्दा त्यो १५० जनाले धेरै हो ।
स्पेनमा त्यहाँ बितेको एक दिनमा थप ७३८ जनाको मृत्यु भयो । चीनमा ८१ हजारमा सङ्क्रमण फैलिए पनि ज्यान गुमाउनेको सङ्ख्या ३२ सयभन्दा केही बढी बताइएको छ । कोरोनाका कारण सबभन्दा धेरै इटलीमा मरेका छन् । त्यहाँ सात हजारभन्दा धेरै मानिसले ज्यान गुमाएका छन् ।
स्पेनमा काेराेनाबाट ४९५१५ जना संत्रmमित भएको छन् । ४ प्रतिशले बृद्धि भइरहेको छ ।
स्पेनकी उपप्रधानमन्त्री कार मेन काल्भोलाई पनि भाइरस सङ्क्रमण देखिएको छ । उनी अहिले अस्पतालमा उपचाररत छन् । स्पेनमा खासगरि राजधानी मड्रिड सबैभन्दा प्रभावित भएको छ भने उत्तरपूर्वी क्याटलोनियामा पनि तीव्र गतिमा सङ्क्रमण बढिरहेको छ ।
त्यहाँका सांसदहरूले देशमा लगाइएको आपत्कालीन स्थितिलाई थप दुई साताले बढाएर अप्रिल ११ सम्म पुर्याउन मतदान गर्दै छन् । ती नियम अनुसार मानिसहरूलाई घरबाहिर निस्कन प्रतिबन्ध लगाइएको छ । उनीहरू केवल अत्यावश्यक सामान किनमेल गर्न वा कामका लागि निस्कन पाउँछन् ।
विश्वभरिको पछिल्लो आँकडा अनुसार हालसम्म चार लाख साठी हजार मानिसमा सङ्क्रमण पाइएको छ । अहिलेसम्म २१ हजार २सय भन्दा धेरैको ज्यान गइसकेको छ । अहिलेसम्म एक लाख दश हजार जना भने निको भएका छन् ।