आगामी २० गते फेरि बैठक बस्ने निर्णय गर्दै नेकपा सचिवालय बैठक सम्पन्न
काठमाडौं, १७ वैशाख : सत्तारूढ नेपाल कम्युनिस्ट पार्टी (नेकपा) को सचिवालय बैठक यही वैशाख २० गते फेरि बस्ने गरी सकिएको छ। बैठकले आवश्यक तयारी र प्रस्ताव बनाएर सचिवालयको अर्को बैठक २० वैशाखमा बस्ने निर्णय गर्दै बैठक सम्पन्न भएको हो ।
नेतृत्वबीच अनौपचारिक वार्ता हुने र अहिलेको आवश्यकतासँग मेल खाने गरी २० वैशाखमा बस्ने बैठकले सबै विषयमा निर्णय लिने पार्टी प्रवक्ता नारायणकाजी श्रेष्ठले बताए ।
पार्टीलाई एकताबद्ध गराउने र सामाजिक–आर्थिक रूपान्तरण प्रक्रिया अगाडि बढाउने सन्दर्भमा उपयुक्त निर्णय लिने उनले बताए ।
उनले भने, ‘सचिवालय बैठकले यी सबै विषयमा अहिलेको आवश्यकतासँग मेल खाने, पार्टीलाई एकताबद्ध ढंगले अघि बढाउने र जनताले दिएको जनादेशअनुसार सामाजिक-आर्थिक रूपान्तरण प्रक्रियालाई पनि अगाडि बढाउने सन्दर्भमा उपयुक्त निर्णय लिनेछआवश्यक प्रस्ताव तयार गर्नेछ । र, त्यही बैठकले नै माग भइआएको स्थायी कमिटीको बैठकको पनि टुंगो लगाउनेछ ।’ ।’
सचिवालय बैठकबाटै स्थायी कमिटीको बैठकको मिति तय हुनेछ ।
