दैलेखमा भारतबाट फर्किएका थप १४ जनामा कोरोना संक्रमण
दैलेख, १७ जेठ । कर्णाली प्रदेशको दैलेखमा आज (शनिबार) विहानै १४ जना कोरोना भाइरस संक्रमण फेला परेको छ ।
कर्णाली स्वास्थ्य विज्ञान प्रतिष्ठान (शिक्षण अस्पताल) जुम्लाको प्रयोगशालामा भएको परीक्षणबाट दैलेखका १४ जनामा कोरोना संक्रमित पुष्टि भएको हो ।
पीसीआर परीक्षणका गरिएकामध्ये १४ जनाको रिपोर्ट पोजेटिभ आएको प्रयोगशाला संयोजक विवेककुमार पुनले पुष्टि गरेका छन् । सुर्खेतमा रहेको प्रयोगशालामा चाप भएपछि सुर्खेत र दैलेखबाट संकलन गरिएको स्वाब जुम्ला पठाइएको थियो ।
आज थपिएका संक्रमित दैलेखको नारायण नगरपालिका वडा नं २ का एक जना, ३ एक जना, ४ का तीनजना, ६ का एकजना, ८ का दुईजना, ९ का दुई जना, १० का दुईजना र ११ का दुई जना रहेका छन् ।
उनीहरु क्रमशः २८, ४१, ३०, १७, २२, २५, २१, २०, २७, १८, २०, ३५, ५०, २३ उमेर समूहका रहेका छन् । संक्रमित सबै केही दिनअघि भारतबाट गाउँ फर्किएका थिए । योसँगै दैलेखमा संक्रमितको सख्या ३० पुगेको छ भने कर्णालीमा ६० पुगेको छ ।
