गण्डकी प्रदेशमा थप ११ जनामा कोरोना संक्रमण, संक्रमितको संख्या १,५६६ पुग्यो
पोखरा, २२ साउन । पछिल्लो २४ घण्टामा गण्डकी प्रदेशका थप ११ जनाका कोरोना संक्रमण पुष्टि भएको छ ।
क्षयरोग उपचार केन्द्र पोखरा, राष्ट्रिय जनस्वास्थ्य प्रयोगशाला टेकु र लुम्बिनी प्रादेशिक अस्पताल रुपन्देहीमा गरिएका परीक्षणमा उनीहरुमा संक्रमण पुष्टि भएको हो ।
कास्कीका १, पर्वतका १, गोरखाका ६ र पूर्वीनवलपरासीका ३ जनामा संक्रमण देखिएको प्रदेश स्वास्थ्य निर्देशनालयले जनाएको छ । उनीहरुलाई आइसोलेसन कक्षमा लैजाने तयारी भइरहेको छ ।
योसँगै गण्डकी प्रदेशमा कोरोना संक्रमितको संख्या एक हजार ५६६ पुगेको छ । नेपालमा संक्रमितको संख्या २१ हजार ४१ पुगेको छ ।
