ढिस्कोले पुरेर एक महिलाको मृत्यु, एक घाइते


प्रकाशित मिति : November 3, 2020

धनुषा, १८ कार्तिक । धनुषाको बटेश्वर गाउँपालिका–४ मा माटोको ढिस्कोले पुर्दा एक महिलाको मृत्यु भएको छ ।

प्रहरी चौकी बटेश्वरका अनुसार आज बिहान माटोको ढिस्कोमा परी ३५ वर्षीय सुनिता देवी रविदाको मृत्यु भएको छ भने दुई जना गम्भीर घाइते भएका छन् ।

घाइते हुनेमा १४ वर्षीया मधुकुमारी ठाकुर र सोही उमेरका रिनादेवी ठाकुर रहेकी छिन् । गम्भीर घाइतेको प्रादेशिक अस्पताल जनकपुरमा उपचार भइरहेको जनाइएको छ । दीपावलीका लागि घर लिपपोत गर्नका खेतमा माटो लिने क्रममा ढिस्को खस्दा च्यापिएर सुनिता देवीको मृत्यु भएको बताइएको छ ।

प्रतिक्रिया दिनुहोस्