सांसद दिलेन्द्रप्रसाद बडुलाई कोरोना संक्रमण
काठमाडौं, २१ कार्तिक । नेपाली कांग्रेसका नेता तथा सांसद दिलेन्द्रप्रसाद बडुलाई कोरोना संक्रमण भएको छ ।
‘पार्टीको केन्द्रीय कार्यसमिति बैठकमा जानुपूर्व स्वयं र सामुहिक स्वास्थ्य सुरक्षाको दृष्टिकोणबाट कार्तिक १६ गते पीसीआर परीक्षण गराउँदा कोभिड पोजिटिभ देखिएकोले सम्बन्धित निकायमा जानकारी गराई हाल म होम आइसोलेशनमा छु,’ नेता बडुले सामाजिक सञ्जालमा लेखेका छन्, ‘सम्पूर्ण दैनिक नित्यकर्म यथावत चलिरहेकै छन् ।
आजसम्म स्वास्थ्यमा कुनै समस्या छैन र भर्चुअल माध्यमबाट आवश्यक मिटिङ्गहरु तथा जनसम्पर्क पनि पहिला जस्तै निरन्तर चलिरहेकै छ ।’
