त्रिदेशीय फुटबल फाइनल : बंगलादेशविरुद्ध नेपालको अग्रता
काठमाडौं, १६ चैत । दशरथ रंगशालामा जारी त्रिदेशीय फुटबल प्रतियोगिताको फाइनल खेलको पहिलो हाफमा नेपालले अग्रता लिएको छ ।
नेपालका लागि संजोग राईले १८ औं मिनेटमा पहिलो गोल गरेका हुन् । सुनिल बलको कर्नर किक बंगलादेशी खेलाडीले क्लियर गर्न नसक्दा संजोगको खुट्टामा बल पुगेको थियो ।
उनले सोही बल बंगलादेशी खेलाडीलाई छक्याउँदै गोल गरेका हुन् । यो नेपालको आठौं खेलमा पहिलो अन्तर्राष्ट्रिय गोल हो । यसअघिका ७ खेलमा नेपाल गोलरहित थियो ।
