त्रिदेशीय क्रिकेट खेल्न काठमाडौं आइपुग्यो नेदरल्याण्ड्सको टोली
काठमाडौं, ३१ चैत । काठमाडौंमा आयोजना हुन लागेको त्रिदेशीय क्रिकेट प्रतियोगितामा सहभागिता हुन नेदरल्याण्ड्सको टोली काठमाडौं आइपुगेको छ ।
बैशाख ४ गते शनिबारदेखि काठमाडौंमा शुरु हुने बजाज पल्सर त्रिदेशीय टि–२० अन्तर्राष्ट्रिय सिरिज खेलका लागि नेदरल्याण्ड्सको टोली मंगलबार काठमाडौं आइपुगेको क्रिकेट एसोसियसन अफ नेपाल (क्यान) ले जनाएको छ । नेपाल, नेदरल्याण्ड्स र मलेसियाबीच यो त्रिदेशीय प्रतियोगिता हुन लागेको हो ।
