शैक्षिक योग्यता कीर्तेको आरोपमा ७ जना चिकित्सक पक्राउ
काठमाडौं, ६ बैसाख । शैक्षिक योग्यता कीर्ते गरेको आरोपमा प्रहरीले ७ जना चिकित्सकलाई पक्राउ गरेको छ । प्रहरी केन्द्रीय अनुसन्धान ब्युरो (सीआईबीले) काठमाडौं, भक्तपुर र ललितपुरसहित विभिन्न जिल्लाबाट उनीहरुलाई पक्राउ गरेको हो ।
एसएलसीको शैक्षिक प्रमाण पत्र किर्ते गरेको आरोपमा पक्राउ गरिएको सीआईबीले जनाएको छ । सीआईबीले केही दिनअघि उनीहरुलाई पक्राउ गर्नका लागि अभियान नै चलाएको थियो ।
पक्राउ परेकाहरुलाई पत्रकार सम्मेलन गरेर सार्वजनिक गरिने सीआईबीले जनाएको छ । पक्राउ परेकाहरुमध्ये केही चिकित्सा शिक्षा अध्ययनरत विद्यार्थी समेत छन् ।