पूर्वमन्त्री शेरबहादुर तामाङ बने एमालेको कार्यालय सचिव
काठमाडौं, १० बैसाख । पूर्व कानूनमन्त्री शेरबहादुर तामाङ नेकपा एमाले केन्द्रीय कार्यालयको सचिव बनेका छन् । प्रचण्ड–नेपाल समूह परित्याग गरी पार्टी अध्यक्ष केपी शर्मा ओली समूहमा पुगेका तामाङलाई केन्द्रीय कार्यालय सचिवको जिम्मेवार दिएको छ ।
तत्कालीन नेकपामा शुरुमा प्रचण्ड–माधव नेपाल समूहमा रहेका तामाङ पछि केपी ओली समूहमा लागेका थिए । एमालेमा यसअघि नै ईश्वरी रिजाल कार्यालय सचिव छन् । तामाङ थपिएपछि अब दुई जना कार्यालय सचिव भएका छन् । तामाङले आफूले कार्यालय सचिवको जिम्मेवारी पाएको जानकारी दिएका छन् ।
