भारतमा २४ घण्टामा एक लाख १४ हजार ४६० मा संक्रमण
नयाँदिल्ली, २४ जेठ । भारतमा (आइतबार) हिजो एक लाख १४ हजार ४६० कोरोना संक्रमित थपिएका छन् । संक्रमितको यो संख्या दोस्रो लहरको कोरोना संक्रमण फैलिएपछि एकै दिन संक्रमण भएको सबैभन्दा कम हो ।
विश्व स्वास्थ्य संगठनको तथ्यांक अनुसार भारतमा क्रमशः संक्रमण कम हुँदै गएको छ । मे ७ मा भारतमा एकैदिन सबैभन्दा धेरै ४ लाख १४ हजार १८८ जना कोरोना संक्रमित भएका थिए ।
भारतमा हालसम्म २ करोड ८८ लाख ९ हजार ३३९ जनामा कोरोना संक्रमण भइसकेको छ । ३ लाख ४६ हजार ७५९ संक्रमितको मृत्यु भइसकेको छ । पछिल्लो २४ घण्टामा भारतमा २ हजार ६७७ कोरोना संक्रमितको मृत्यु भएको छ । एजेन्सी
