हेर्दाहेर्दै पुलबाट नारायणी नदीमा हामफालेर युवक बेपत्ता
चितवन, ११ असार । चितवनको नारायणगढमा रहेको नारायणी नदीमा हाम फालेर बिहीबार बिहान एक युवक बेपत्ता भएका छन् ।
वडा प्रहरी कार्यालय नारायणगढका अनुसार बिहान सवा ११ बजेको समयमा १८ –१९ बर्षको देखिने एक पुरुषले हाम फालेका हुन् ।
हाम फाल्ने बित्तिकै बटुवाहरुले देखेर प्रहरीलाई खबर गरे पनि पानी धमिलो भएको कारण ती युवालाई उद्धार गर्न नसकिएको प्रहरी निरीक्षक रघुसिंह विष्टले जानकारी दिए । ‘हामीले हाम फालेको केही मिनेटमा उद्धारको लागि नदीमा पस्यौं’, उनले भने, ‘तर पानी धमिलिएका कारण उसलाई देख्नै सकिएन ।’
