घरमा बसिरहेका बेला चट्याङ लागेर बाबुको गयो ज्यान, छोरा घाइते
कञ्चनपुर, २७ असार । कञ्चनपुरमा चट्याङ लागेर बाबुको ज्यान गएको छ भने छोरा घाइते भएका छन् । भीमदत्त नगरपालिका–९ मटैनाका ५३ वर्षीया पुरुष वीर महराको आइतबार बिहान चट्याङ लागेर मृत्यु भएको प्रहरीले जनाएको छ ।
जिल्ला प्रहरी कार्यालय कञ्चनपुरका प्रहरी प्रवक्ता सिद्धराज न्यौपानेका अनुसार घरको बरण्डामा बसेका बेला बिहान ७ बजेतिर चट्याङ लागेर उनको मृत्यु भएको हो । यस्तै मृतकका १८ वर्षीय छोरा लालसिंह महरा चट्याङ लागेर घाइते भएका छन् । उनको महाकाली अस्पतालमा उपचार भइरहेको प्रहरीले जनाएको छ ।