ट्याक्टर दुर्घटनामा १४ वर्षीय चालकको मृत्यु, गाडीधनीको अवस्था गम्भिर
खोटाङ । खोटाङको हलेसी तुवाचुङ नगरपालिकामा भएको ट्याक्टर दुर्घटनामा एक बालकको ज्यान गएको छ । हलेसी तुवाचुङ नगरपालिका-७ हलेसी ऐसेलुखर्कबाट सुनकोसी जाँदै गरेको स १ त ७७३३ नम्बरको ट्याक्टर स्थानीय गोर्दाखा भन्ने ठाउँमा सोमबार बिहान दुर्घटना हुँदा हलेसी तुवाचुङ नगरपालिका-१० अर्खौले नौलापुरका १४ वर्षीय सिटामोल भन्ने शेखर मगरको घटनास्थलमै मृत्यु भएको हो ।
बालक आफैंले ट्याक्टर चलाएका थिए । उनले उमेरै नपुगी ट्याक्टर चलाउँदै आएको खुलेको प्रहरी निरीक्षक साहले बताए । ट्याक्टर दुर्घटनामा ट्याक्टर धनी हलेसी तुवाचुङ नगपालिका-७ हलेसी ऐसेलुखर्कका ३२ वर्षीय नगेन्द्र राई गम्भीर घाइते भएका छन् ।
उनको हलेसीस्थित हेल्थ केयर मेडिकलमा सामान्य उपचार गरी थप उपचारका लागि हेलिकोप्टरमार्फत काठमाडौं लगिएको जिल्ला प्रहरी कार्यालय खोटाङका प्रवक्ता प्रहरी निरीक्षक सागर साहले बताए ।