ललितपुरमा सडकको रेलिङमा मोटरसाइकल ठोक्किँदा चालकको मृत्यु
ललितपुर । ललितपुरमा सडक छेउको रेलिङमा मोटरसाइकल ठोक्किँदा चालकको ज्यान गएको छ । गए राति साढे १० बजे ललितपुरको बागडोलमा वाग्मती प्रदेश ०२-०३० प ९४८३ नम्बरको मोटरसाइकल सडक छेउको रेलिङमा ठोक्किँदा चालक बाँकेका ३० वर्षका गणेशकुमार थारुको ज्यान गएको प्रहरीले जनाएको छ ।
दुर्घटनामा गम्भीर घाइते भएका थारुको उपचारका क्रममा राति साढे ११ बजे पाटन अस्पतालमा ज्यान गएको हो ।