माओवादी केन्द्र संसदीय दलको बैठक बुधबार
काठमाडौं । नेकपा माओवादी केन्द्रको संसदीय दलको बैठक बुधबार बिहान बस्ने भएको छ । माओवादी केन्द्रमा प्रमुख सचेतक देव गुरुङ अनुसार सांसद बैठकअघि संसदीय दलको बैठक बस्ने बताए । ‘समसामयिक विषयमा छलफल हुनेछ,’ गुरुङले भने ।
बुधबारको संसद्मा माओवादी केन्द्रसहित सत्तारुढ गठबन्धनका कांग्रेस, नेकपा एकीकृत समाजवादीले प्रधानन्यायाधीश चोलेन्द्रशमशेर जबरामाथि महाअभियोग, अमेरिकी सहयोग नियोग मिलेनियम च्यालेन्ज कर्पोरेसन (एमसीसी) सँग भएको सम्झौता अनुमोदनका लागि विषयहरु छलफलमा प्रस्तुत गर्ने बताइएको छ ।