हिउँमा चिप्लिएर घोडा लड्दा आठ वर्षीया बालिकाको मृत्यु
सोलुखुम्बु । सोलुखुम्बुको खुम्बु पासाङल्हामु गाउँपालिका-४ मा घोडाबाट लडेर एक बालिकाको मृत्यु भएको छ । स्थानीय आठ वर्षीया बालिका सोनाम छुटिन शेर्पाको घोडाबाट लडेर मृत्यु भएको प्रहरीले जनाएको छ ।
सोनामसँगै घोडामा सवार ९ वर्षीया बालिका मिङमा कान्छी शेर्पा पनि घोडाबाट लडेकी छन् । उनी सामान्य घाइते भएकी प्रहरीले जनाएको छ । बुधबार बिहान मामाको घोडामा चडेर घर जाँदै गर्दा उनीहरु घोडाबाट लडेका हुन् ।
हिउँमा चिप्लिएर घोडा लड्दा दुबै बालिका घाइते भएका थिए । घाइते सोनामलाई उपचारका लागि अस्पताल लैजाँदै गर्दा बाटोमै मृत्यु भएको प्रहरीले जनाएको छ ।
