ज्योति मगर र आस्था राउतबीच ‘हानाहान’
काठमाडौं, ९ चैत : गायन शैलीका कारण सधैजसो चर्चामा रहने गायिका ज्योति मगर र अर्की गायिका आस्था राउतबीच अहिले फेसबुक वार चलिरहेको छ । उनीहरुले सामाजि सञ्जालमा एकले अर्कोलाई खुइलाउने गरी स्टाटसहरु लेखेर मिडिया वार गरिरहेका छन् ।
नेपालका विभिन्न ठाउँमा आयोजना हुने मेला–महोत्सवमा राम्रा गायक–गायिकाको भन्दा उच्छृङ्खल गीतको माग बढेको भन्दै गायिका आस्था राउतले फेसबुकमा स्ट्याटस लेखेपछि गायिका तथा मोडल ज्योति फेसबुक वारमा उत्रिएकी हुन् । पछिल्लो आफ्नो फेसबुक वालमा लेखिन्, ‘म पनि डिमाण्ड हुने कलाकार हुँ । तर, अण्डर १८ ले सुन्नै नहुने दोहोरी एकोहोरी प्रस्तुती दिने प्रविधिको खुलेरै विरोध गर्नुपरेको छ । कलाकार आइडल हुने भएकाले राम्रो बनौं बोली र छाडापनमा लगाम लगाऔं भनेको हो । व्यक्तिगत त जे सुकै गर बालै फरर ।’
ज्योति पनि के कम । आस्थाले लेखेको यो स्ट्याटसमा ज्योतिले प्रतिक्रिया दिइन्, ‘मिडियाले कभर दिन छाडेपछि फण्डा अपनाउनै परो । फेसबुकको वालमा भुकेको भुक्यै । कुन कलाकारलाई हेर्ने नहेर्ने भनेर दर्शकलाई थाहा छ । उहाँहरूको चिन्ता गर्न तिमी छाडिदेऊ ।’ उसो त नेपाली कलाकारिता क्षेत्रमा यसरी एकले अर्काको आलोचना गर्ने गरिएको कुरा नयाँ होइन । तर, साँस्कृतिक सम्भयताको कुरा गर्ने कलाकारहरुले सामाजिक सञ्जाल प्रयोग गरेर एकले अर्कालाई खुइलाउने काम गर्नु त्यति शोभनीय होइन ।
