माओवादी केन्द्रलाई अपमान गर्न खोज्नेलाई बलियो झापड दियौं : प्रचण्ड
काठमाडौं । सत्तारुढ नेकपा माओवादी केन्द्रका अध्यक्ष पुष्पकमल दाहाल ‘प्रचण्ड’ ले आर्थिक समृद्धि ल्याउन महाभियानमा एकजुट भएर लाग्नुपर्ने बताएका छन् । माओवादी केन्द्रको पार्टी प्रवेश तथा प्रशिक्षण कार्यक्रममा प्रचण्डले यस्तो बताएका हुन् ।
उनले भने, ‘जनताको पक्षमा आर्थिक समृद्धि ल्याउने महाभियानमा एक जुट भएर लागौं । माओवादी केन्द्रलाई अपमान गर्न खोज्ने, गाली गर्न खोज्ने परिवर्तनको बाहकलाई प्रतिक्रियावादी, षड्यन्त्रकारीहरुलाई आज एउटा बलियो झापड तपाईहरुले दिनु भएको छ ।’
