अपाङ्गता भएकी युवतीलाई बलात्कार गरेको आरोपमा दुई जना पक्राउ
बैतडी । अपाङ्गता भएकी एक युवतीलाई बलात्कार गरेको आरोपमा बैतडीमा दुई जना पक्राउ परेका छन् । बलात्कारको आरोपमा जिल्लाको दोगडाकेदार गाउँपालिका-४ का करिब ३२ वर्षीय ललित चुनारा र ५१ वर्षीय गोपी चुनारा पक्राउ गरेको जिल्ला प्रहरी कार्यालय बैतडीका प्रहरी निरीक्षक प्रहरी प्रवक्ता लोकराज जोशीले जानकारी दिए ।
मानसिक सन्तुलन गुमाएकी २० वर्षीया अपाङ्गता युवतीलाई बलात्कार गरेको आरोपमा शनिबार दिउँसो दुवै जनालाई पक्राउ गरिएको हो । अपाङ्गता भएकी युवतीको आफन्तको जाहेरीको आधारमा प्रकाउ गरी अनुसन्धान भइरहेको प्रहरी प्रवक्ता जोशीले जानकारी दिए ।
