चट्याङ लागेर ३६९ भेंडाबाख्रा मरे
दार्चुला । दार्चुलाको नौगाडमा चट्याङ लागेर ३६९ भेंडाबाख्रा मरेका छन् । नौगाड गाउँपालिका-४ को सीमा क्षेत्र जमाउ भन्ने ठाउँमा सात जनाका ३६९ भेंडाबाख्राको चट्याङ परेर मरेका स्थानीय हरकसिंह धामीले जानकारी दिए ।
नौगाड-४ का डम्बरसिंह धामी, वीरसिंह ठगुन्ना, झुने महता, विरभान ठगुन्ना र मार्मा गाउँपालिका-५ का रामचन्द्र महता, लोचन महता र नरेन्द्र महताले संयुक्त रूपमा चार सय ४२ भेंडा पालेका थिए । तीमध्ये ७३ भेडाबाख्रा मात्रै जीवित भेटिएका हुन् ।