प्रिमियर लिग : सिटीको पहिलो हार
काठमाडौं । इङलिस प्रिमियर लिगको जारी सिजनमा म्यानचेस्टर सिटीले पहिलो हारको सामना गरेको छ । आइतबार राति भएको खेलमा सिटी लिभरपुलसँग १–० गोल अन्तरले पराजित भएको हो । आइतबारको खेलमा लिभरपुललाई जित दिलाउने क्रममा खेलको ७६ औं मिनेटमा मोहम्मद सलाहले निर्णायक गोल गरेका थिए ।
यससँगै लिगमा सिटीले १० खेलबाट २३ अंक जोडेको छ । लिगको शीर्षस्थानमा रहेको आर्सनलले समान खेलबाट २७ अंक जोडेको छ । आठौं स्थानमा रहेको लिभरपुलले भने ९ खेलबाट १३ अंक हात पारेको छ ।
