गठबन्धनको बैठक छाडेर निस्किइन् रञ्जिता
काठमाडौं । बालुवाटारमा सत्तारुढ दलहरुको बैठक चलिरहेका बेला नागरिक उन्मुक्ति पार्टीको अध्यक्ष समेत रहेकी रञ्जिता श्रेष्ठ चौधरी बैठक छाडेर निस्किएकी छन् ।
उनी केहीबेरअघि बैठकको बीचैमा जरुरी काम छाडेको भन्दै बाहिरिएकी हुन् । हिजो सर्वोच्च अदालतले उच्च अदालतकै फैसला सदर गर्दै पार्टीका संरक्षक समेत रहेका रेशम चौधरी फैसला यथावत राख्ने फैसला गरेको थियो ।
यसअघि मंगलबार दिउँसो पनि प्रधानमन्त्री प्रचण्डले सरकार समर्थित १० दलको बैठक राखेका थिए । यता नागरिक उन्मुक्ति पार्टीका संरक्षक रेशम चौधरीले पार्टीका पदाधिकारीहरुलाई कारागारमै छलफलका लागि बोलाएका छन् ।
