महिला विश्वकप फुटबल : आज तीन वटा खेल हुँदै
काठमाडौँ । फिफा महिला विश्वकप फुटबलमा आज (आइतबार) तीन वटा खेल हुँदैछन् । आज हुने पहिलो खेलमा समूह ‘जी’ का स्वीडेन र दक्षिण अफ्रिका खेल्दै छन् ।
यो खेल नेपाली समय अनुसार बिहान पौने ११ बजे शुरु हुनेछ । त्यस्तै अर्को खेलमा दिउँसो सवा १ बजे समूह ‘ई’ का नेदरल्यान्डस् र पोर्चुगल तथा दिउँसो पौने ४ बजे समूह ‘एफ’ का फ्रान्स र जमैकाबीच खेल हुनेछ ।
हिजो भएको खेलमा डेनमार्क, अमेरिका, इङल्याण्ड् र जापान विजयी भएका छन् । महिला विश्वकप फुटबल आउँदो अगस्ट २० तारिखसम्म चल्ने छ । विश्वकपमा ३२ टोलीको सहभागिता रहेको छ ।