सन्दिप लामिछानेले पाउने भए कार, बने ब्राण्ड एम्बेसडर
काठमाडौं, ९ जेठ । चर्चित युवा क्रिकेटर सन्दिप लामिछानेले कार पाउने भएका छन् । इण्डियन प्रिमियर लिग खेलेर फर्किए लगत्तै सन्दिपले कार पाउने भएका हुन् ।
टाटाको आधिकारिक विक्रेता सिप्रदी ट्रेडिङ प्रालिले तीन वर्षका लागि ब्राण्ड एम्बेसडर घोषणा गर्दै कार उपहार दिन लागेको हो । कारको सबै मूल्य कम्पनीले दिनेछ । उनले टाटा मोटर्सको टिगोर कार चढ्ने भएका छन् ।
१७ वर्षका सन्दिप हालै मात्र आईपीएल खेल्ने पहिलो नेपाली खेलाडी बनेका थिए ।
उनले दिल्ली डेडरडेभिल्सबाट अन्तिम तीन खेलको मौका पाएका थिए तर, आफूलाई अब्बल सावित गरेका छन् । आईपीएलमा दिल्लीको अन्तिम खेलमा उनले मुम्बई इन्डियन्सविरुद्ध तीन विकेट लिए । उनलाई दिल्लीले सर्वाधिक प्रतिभाशाली खेलाडी समेत भनेको छ । दिल्लीको नजर अन्य खेलाडी भन्दा पनि सन्दिपमाथि बढी परेको छ ।