प्रधानमन्त्री प्रचण्डसँग सीपीसीका तिब्बत सचिव वाङको भेटवार्ता (तस्वीर)
काठमाडौँ । पाँच दिनको नेपाल भ्रमणमा आएका चिनियाँ कम्युनिष्ट पार्टी (सीपीसी) का तिब्बत स्वायत्त क्षेत्रका सचिव (सेक्रकेटरी) वाङ छुङछेङ र प्रधानमन्त्री पुष्पकमल दाहाल ‘प्रचण्ड’ बीच भेटवार्ता भएको छ ।
आज (बिहीबार) प्रधानमन्त्री निवास बालुवाटारमा भएको भेटमा सचिव वाङ छुङछेङ लगायतको टोली सहभागी थियो । भेटमा दुई देशबीचको आपसी सहकार्य र आपसी हितका बारेमा छलफल भएको प्रधानमन्त्रीको सचिवालयले जनाएको छ । वाङले हिजो काठमाडौं उत्रिए लगतै वाङले उपराष्ट्रपति रामसहाय यादवलाई भेटेका थिए ।
लैनचौरस्थित उपराष्ट्रपतिको कार्यालयमा भएको भेटमा उनीहरूबीच नेपाल र चीन सम्बन्धका विविध आयामबारे छलफल भएको थियो । वाङ बुधबारदेखि नेपाल भ्रमणमा छन् ।