सुन तस्करीका मुख्य लगानीकर्ता मोहन अग्रवालको घरमा प्रहरीको छापा, महत्वपूर्ण कागजात बरामद
काठमाडौं, २५ जेठ । ३८ क्विन्टल सुन तस्करीका मुख्य लगानीकर्ता एमके भनिने मोहनकुमार अग्रवालको अनामनगरस्थित घरमा प्रहरीले आज छापा मारेको छ ।
शुक्रबार प्रकरणको अनुसन्धान गर्न गठिन विशेष अनुसन्धान समितिले उनको घरमा छापा मारेर केही महत्वपूर्ण कागजातहरु बरामद गरेको दाबी गरेको छ । सुन तस्करी काण्डका सनम शाक्य हत्यासँगै उनी घरमा ताला लगाएर फरार भएका थिए । अग्रवाल भारतमा लुकेर बसेको आशंका प्रहरीको छ ।
