नेपालमा ह्वात्तै बढ्यो चिनियाँ लगानी
काठमाडौं ३ असार । पछिला वर्षहरूको तुलनामा यो वर्ष नेपालमा चिनियाँ लगानी ह्वात्तै बढेको छ । विशेष गरी नेपालको उद्योग, जलविद्युत्, होटेलगायत क्षेत्रमा चिनियाँ लगानी आशय, लगानी प्रतिबद्धता र वास्तविक लगानी बढ्दै गएको हो ।
उद्योग विभागका अनुसार हालसम्म नेपालमा २ खर्ब ६२ अर्ब ८१ करोड रुपैयाँ लगानीको प्रतिबद्धता आएको छ । यसमध्ये करिब ४० प्रतिशत लगानी हिस्सा चीनको छ ।
हालसम्म चीन ‘हङकङ र ताइवानसमेत’ले नेपालमा १ खर्ब ५ अर्ब ७६ करोड रुपैयाँ लगानी प्रतिबद्धता गरेको छ । जब कि भारतको लगानी प्रतिबद्धता ८६ अर्ब ८६ करोड रुपैयाँ रहेको विभागको तथ्यांक छ ।
चालू आर्थिक वर्षको १० महिनामा नेपालमा ४९ अर्ब ८७ करोड रुपैयाँबराबरको लगानी प्रतिबद्धता आएको समाचार आजको नयाँ पत्रिकाले छापेको छ ।