स्वीडेन क्वाटरफाइनलमा, स्विट्जरल्याण्ड आफनै खेलाडीका कारण हारे
काठमाडौं, १९ असार । रसियामा जारी विश्वकप फुटबलमा स्विट्जरल्याण्डलाई हराउँदै स्वीडेन क्वाटरफाइनलमा प्रवेश गरेका छन् । रसियाको सेन्ट पिटर्सबर्ग रंगशालामा भएको खेलमा स्वीडेनले स्विट्जरल्याण्डलाई १–० गोलले हराएको हो ।
खेलमा भएको एक मात्र गोल दोस्रो हाफमा भयो । स्विडेनका लागि स्ट्राइकर एमिल फोर्ब्सबर्गले ६६ औं मिनेटमा गोल गरे । उनले डिबक्स बाहिरबाट गरेको प्रहार स्विजरल्यान्डका डिफेन्डर मानुयल अकान्जीको खुट्टामा लागेर पोष्टमा छिरेको थियो । यदी उनको खुट्टाले नछोए अवस्थामा भने किपरको हातमा बल पर्ने थियो ।
त्यसैगरी अतिरिक्त समयको तेस्रो मिनेटमा वान भर्सेज वान सिचुएसनमा स्विजरल्याण्डका खेलाडी लाङले डिएरियामा फल गरेपछि रेड कार्ड पाए । भने रेफ्रीले स्वीडेनलाई सुरु पेनाल्टी दिएका थिए । तर डिसिजन रिभ्यूपछि पेनाल्टी फिर्ता लिए । तर रातो कार्ड भने फिर्ता लिएनन् ।
स्वीडेन अमेरिकामा सन् १९९४ मा भएको विश्वकपपछि क्वाटरफाइनल प्रवेश गरेको पहिलो अवसर हो । समुह एफको विजेता हुँदै स्वीडेनले अन्तिम १६ मा स्थान बनाएका थिए । भने स्वीजरल्याण्ड समुह ईको उपविजेता भएका थिए ।
स्वीडेन समुहमा पूर्व विश्वविजेता जर्मनीसँग हारेका थिए भने मेक्सिको र दक्षिण कोरियालाई हराएका थिए ।
स्वीडेनले सेमिफाइनल प्रवेशका लागि इङ्ग्ल्याण्ड र कोलम्बियाबीचको खेलका विजेतासँग खेल्नेछ ।