अभिनेता प्रभासको गेष्ट हाउस सरकारीको नियन्त्रणमा
काठमाडौं, ७ पुस । भारतीय राज्य तेलाङगनाको राजश्व विभागले तेलेगु सुपरस्टार अभिनेता प्रभासको गेष्ट हाउस नियन्त्रणमा लिएको छ ।
हैदरवादबाहिर रायादुर्गममा रहेको सो गेष्ट हाउसलाई सोमबार नियन्त्रणमा लिइएको हो । गेष्ट हाउस सरकारी जग्गामा निर्माण गरिएको दाबी गर्दै सरकारले नियन्त्रणमा लिएको हो ।
सरकारले करिब ८४ एकड जग्गा सरकारी भएको ठहर गरेपछि कब्जामा लिइएको हो । सो जग्गा सरकारी भएको करिब एक महिना अगाडि अदालतले प्रमाणित गरेको थियो । सरकारले जग्गा कब्जा लिएपछि प्रभास हैदराबादको उच्च अदालत पुगेका छन् । एजेन्सी