विराट कोहलीलाई कारवाही
काठमाडौं: भारतीय क्रिकेटर कप्तान विराट कोहलीलाई कारवाही गरिएको छ । कप्तान कोहलीलाई खेल भावना विपरित व्यवहार प्रस्तुत गरेको भन्दै कारवाहि गरिएको हो ।
भारत र दक्षिण अफ्रिकाबीच जारी दोस्रो टेस्टको तेस्रो दिन अन्तिम सत्रमा सोमबार पानी परेपछि पुनः खेल सुरु भएको थियो ।
सो क्रममा भारतका कप्तान कोहलीले अम्पायर माइकल गाउफलाई बल भिजेको भन्दै बारम्बर गुनासो गरेका थिए । सो क्रममा आक्रमक रुपमा प्रस्तुत हुँदै बल भुईमा पछारेपछि खेल भावना विपरित व्यवहार गरेको भन्दै कोहलीलाई म्याच फि को २५ प्रतिशत तिर्नुपर्ने गरि कारवाही गरिएको विश्व क्रिकेट परिषद् ‘आइसिसी’ले जनाएको छ।
