नोवल शान्ति पुरस्कारका लागि डोनाल्ड ट्रम्पको नाम सिफारिस
काठमाडौं, ३१ जेठ । नोवल शान्ति पुरस्कारका लागि अमेरिकी राष्ट्रपति ‘डोनाल्ड ट्रम्प’को नाम सिफारिस भएको छ । नर्वेका दुई जना सांसदले नोवल शान्ति पुरस्कारका लागि ट्रम्पको नाम सिफारिस गरेका हुन् ।
उत्तर कोरियाली नेता किम जोङ उनसँगको ऐतिहासिक सिंगापुर वार्ताका उनी उपयुक्त भएको भन्दै नर्वेको पपुलिस्ट प्रोग्रेस पार्टीका सांसदहरु क्रिस्टियन टेब्रिङ र पेर विली एमुडसेनले सिफारिस गरेका हुन् ।
‘उत्तर र दक्षिण कोरियाबीच निशस्त्रीकरण मार्फत शान्ति कायम गर्न ट्रम्पले ठूलो र महत्वपूर्ण कदम चालेका छन्’ उनीहरुले नर्वेको समाचार एजेन्सी एनटीबीसँग भनेका छन् ।
अमेरिकी राष्ट्रपति डोनाल्ड ट्रम्प र उत्तर कोरियाका सर्वोच्च नेता किम जोग उनबीच सिंगापुरको सेन्तोसा आइल्याण्डस्थित होटल क्याम्पेलामा मंगलबार ऐतिहासिक शिखर वार्ता भएको थियो ।
नोवल कमिटीले सन् २०१८ को नोवल पुरस्कारका लागि सिफारिस आहृवान गरेको छ ।
याे पनि पढ्नुहाेस्
सिंगापुरमा ट्रम्प र किमबीच एेतिहासिक भेटवार्ता
ट्रम्प–किमको सुरक्षा दिइरहेका गोर्खालीको पीडाले के देश दुख्दैन ?
