हैम्पसायरविरुद्ध पारसले बनाए डेढ सय रन
लण्डन, ५ साउन । यूरोप भम्रणमा रहेको नेपाली टोलीको कप्तान पारस खड्काले पहिलाे अभ्यास खेलमा डेढ सय रनको बनाएका छन् । कप्तान पारसले इङ्ल्याण्डको लण्डनस्थित हैम्पसायर होग्स क्रिकेट क्लबविरुद्ध पारसले १ सय ६ बलको सामना गर्दै १ सय ६१ रन बनाएका हुन् । उनले १९ चौका र ७ छक्का प्रहार गरे । 
फाइल तस्बिर ।
नेपालले जुलाई २९ तारिखमा लर्डसमा हुने त्रिकोणात्मक टी–२० र लगत्तै नेदरल्याण्डसविरुद्धको ऐतिहासिक एक दिवसीय श्रृखंलाको लागि हैम्पसायरसँग पहिलो अभ्यास खेल खेलेको हो ।
पारस आउट भएसँगै नेपालले ३८ ओभरमा ६ विकेट गुमाएर २६९ बनाएको छ । यसअघि नेपालका लागि दीपेन्द्रसिंह ऐरीले ३७(४६), ज्ञानेन्द्र मल्लले ५(११), सुवास खकुरेलले ११(१७) र शरद भेषावकरले १४(१७) रन जोडेका थिए ।
यसपछि नेपालको अन्य विभिन्न क्लबसँग थप तीनवटा अभ्यास खेल खेल्दै लर्डसमा त्रिकोणात्मक सीरिज खेल्ने कार्यक्रम छ ।नेपालले जुलाई २३ मा सेन्ट क्रससँग टी–२०, २५ जुलाईमा इष्ट लण्डनसँग ५० ओभरको खेल र जुलाई २६ मा इष्ट लण्डन सार्कसँग टी–२० को अभ्यास खेल खेल्नेछ ।
