रोनाल्डोलाई २३ महिनाको जेल सजाय, कर छलेको प्रमाणित
काठमाडौं, ८ माघ । फुटबल स्टार क्रिस्टियानो रोनाल्डोले १९ मिलियन युरो कर छली गरेको आरोप स्विकार गरेका छन् । उनलाई २३ महिनाको जेल सजाय तोकिएको छ ।
रियाल मड्रिडबाट खेल्ने क्रममा सन् २०१०–२०१४ बीचमा उक्त कर छली गरेको आरोप उनीमाथि मड्रिडको अदालतमा लगाइएको थियो । उक्त अदालतले रोनाल्डोलाई सजाय सुनाएको थियो । हाल ईटालीको क्लब युभेन्टसबाट खेलिरहेका रोनाल्डोले करिब १९ मिलियन युरो जरिवाना बुझाउन सहमति दिएका छन् ।
स्पेनको कानुनले २४ महिना भन्दा कम अवधिको जेल सजायमा जेल जान नपर्ने उल्लेख रहेको छ । यसअघि बार्साका खेलाडी मेस्सी पनि कर छलीमा परिसकेका छन् । उनले पनि २२ महिनाको जेल सजाय पाएका थिए ।
