प्रधानमन्त्री उपचारका लागि सिङ्गापुर प्रस्थान
काठमाडौं, ५ भदौं । प्रधानमन्त्री केपी शर्मा ओली स्वास्थ्य उपचारका लागि बिहीबार फेरि सिङ्गापुर प्रस्थान गरेका छन् ।
उनी दिउँसो साढे १ बजे त्रिभुवन विमानस्थलबाट सिङ्गापुरतर्फ गएका हुन् । प्रधानमन्त्री ओलीसँगै उनकी पत्नी राधिका शाक्य पनि सिङ्गापुर गएकी छन् ।
गएको साउन १८ गते उपचारका लागि सिङ्गापुर गएका प्रधानमन्त्री ओली साउन २७ गते स्वदेश फर्किएका थिए । तर, स्वास्थ्यमा फेरि समस्या देखिएपछि उनी एक सातामै दोस्रो पटक सिङ्गापुर गएका हुन् ।
