जर्मन बुन्डेस लिगा : बायर्न म्युनिखको साँघुरो जीत, बोरुसिया डर्टमण्ड १–० ले पराजित
काठमाडौं, १४ जेठ । जर्मन बुन्डेस लिगा फुटबलमा लिग लिडर बायर्न म्युनिखले साँघुरो जीत निकालेको छ ।
गए राति भएको खेलमा बायर्नले बोरुसिया डर्टमण्डलाई १–० ले पराजित गरेको हो । उपाधिको अर्को दाबेदार क्लब डर्टमण्डको घरेलु मैदानमा बायर्नलाई जित दिलाउन जोसुवा किमिचले गरेको एक मात्र गोल खेलको निर्णायक गोल बन्यो ।
जितसँगै बायर्नले उपाधि जित्ने सम्भावना थप बलियो बनाएको छ । बायर्नले डर्टमण्डविरुद्धको अंक दूरी ७ अंकको बनाएको छ । बायर्नको २८ खेलबाट ६४ अंक रहेको छ । दोस्रो स्थानको डर्टमण्डको ५७ अंक छ । एजेन्सी