बारामा थप तीन जनामा कोरोना संक्रमण पुष्टि
बारा, ७ असार । बारामा आज (आइतबार) थप तीन जनामा कोरोना संक्रमण पुष्टि भएको छ । वीरगञ्जस्थित नारायणी अस्पतालको पीसीआर ल्याबमा गरिएको परीक्षणमा तीन जना पुरुषमा संक्रमण देखिएको हो ।
संक्रमितमध्ये एक २४ वर्षीय पुरुष हुन् । अन्य दुई जनाको उमेर खुलेको छैन । फर्ममा दुई संक्रमितको उमेर उल्लेख भएको छैन ।
संक्रमित तीनै जनाको स्वाब सिम्रौनगढ नगरपालिकाबाट पठाइएको थियो । योसँगै बारा जिल्लामा संक्रमितको संख्या १०६ पुगेको छ ।
एक जना महिलासहित २० जनाको कलैया अस्पताल अन्र्तगत शैक्षिक तालिम केन्द्र गंगापुर आइसोलेसनमा उपचार भइरहेको छ । अरु संक्रमित डिस्चार्ज भइसकेका छन् ।
